Dugnadsliste 2024

I år som tidlegare er vi avhengig av dugnadsinnsats for å kunne halde i gong drifta på skisenteret. Vi har satt deg opp på vakt og håpar du har anledning å stille på.

 

Vi treng 3 vakter kvar dag når alle heisane er opne.

Dugnadsvaktene skal ikkje ha noko med den tekniske drifta av heisane å gjere (start/stopp). Det tek driftspersonale seg av. Vaktene sin jobb er å ha oversikt i sin heis, melde frå om feil, og evt. bruke nødstopp om naudsynt. Dette er ein enkel jobb som alle greier fint. Du finn vaktinstruks i vaktbuene ved skiheisen.

 

Vi håpar at du har høve til å ta vakta du er sett opp på. Om du sjølv ikkje har høve til å møte, er det fint om du kan byte med andre på lista eller få nokon andre til å ta di vakt (Må vere over 18 år). Gje då beskjed til din gruppeleiar. Om du ikkje finn nokon som kan ta di vakt, så gje tilbakemelding til skisenter og gruppeleiar i god tid.

Parkering er gratis for dugnadsvakter.

 

Det er også gratis kaffi og vaffel når du er på vakt. Pausen avtalar vaktene seg i mellom. Det er og fint om ein roterar vaktene mellom dei ulike heisane i forbindelse med pausen.

I vinterferien og i påska blir heisane opne heile veka. Vi set opp ekstra mannskap på desse dagane, då er det muleg å vere litt fleksible om nokon vil gå ein skitur i løpet av dagen, eller reise litt før stengetid. Dette kan vaktene bli enige om innbyrdes.

Om du lurer på skiheisane er opne, så kan du sjekke dette på nettsida breimsbygdaskisenter.no eller vår Facebookside.

Du kan og få svar gjennom å kontakte:

 

E-post: skisenter@breim.no

Driftsleiar: Runar Kleppe Tlf. 901 24 701

 

Vakttid, møt opp 15 min før opningstida;

 

Opningstider:

• Tysdag og torsdag: 17.30 – 20.30

• Laurdag og søndag: 11.00 – 16.00

• Vinterferie og påskeferie 11.00-16.00

 

Vi håpar du kan vere med å bidra til å halde Breimsbygda Skisenter i drift.

Har du spørsmål, så ta kontakt med skisenteret i opningstida.

​